Inntak inniheldur stafi sem ekki er hægt að leita eftir
Lyf sem á almennt að nota sem fyrsta val. Sérstakar leiðbeiningar gilda um sýklalyf (AWaRe flokkun).
Lyf sem nota má þegar sérstakar ástæður ráðleggja með notkun þeirra.
Lyf sem á ekki að nota nema brýna nauðsyn beri til.
Lyfjum í lyfjalista er forgangsraðað í eftirfarandi flokka:
Sýklalyf sem eru almennt „þröngvirk“ og eru notuð sem fyrsta val eða annað val í reynslumeðferðum (emperic).
Sýklalyf sem eru notuð sem fyrsta eða annað val í reynslumeðferðum í ákveðnum sýkingum. Sýklalyfin eru „breiðvirkari“ og líklegri til að valda ónæmi. Fylgjast þarf með framvindu sjúklings og næmi og gera viðeigandi breytingar við fyrsta tækifæri.
Sýklalyf sem eru notuð í undantekningatilfellum við lífshættulegum sýkingum og þegar önnur sýklalyf duga ekki vegna ónæmis. Ávísun gerð í samráði við smitsjúkdómalækni.
Sýklalyfjaónæmi er vaxandi alþjóðlegt vandamál og er ein stærsta heilbrigðisógn sem heimurinn stendur frammi fyrir í dag. Sú hætta er raunveruleg, að í náinni framtíð verði ekki hægt að meðhöndla einfaldar og alvarlegar sýkingar með sýklalyfjum. Slík staða mun hafa gríðarlega alvarlegar heilsufarslegar og efnahagslegar afleiðingar fyrir okkur hér á Íslandi sem og heiminn allan. Gegn þessari heilbrigðisógn hefur WHO skilgreint vægi sýklalyfja og gefið út AWaRe flokkunarkerfi (WHO Antibiotics Portal) til að styðja við sýklalyfjagæslu í hverju landi fyrir sig og þar með auka gæða notkunar og draga úr myndun á sýklalyfjaónæmi.